नाशिक : सोमनाथ आबा युवा फाउंडेशन, निफाड तालुका व सीतामाई मराठा वधू-वर सूचक मंडळातर्फे वधू-वर मेळाव्याचे आयोजन करण्यात आले आहे. मराठा, कुणबी, देशमुख तसेच सकल मराठा समाजातील विवाह इच्छुक नव वधू- वर, विधूर,विधवा, घटस्फोटीत, परितक्त्या अशा सर्वांसाठी या मेळाव्याचे आयोजन करण्यात आले आहे.
रविवार, दि. ६ मार्च २०२२ रोजी सीतामाई लॉन्स व मंगल कार्यालय, खडक माळेगाव, तालुका निफाड येथे सकाळी ११ ते दुपारी ४ या वेळेत हा मेळावा संपन्न होईल. इच्छुक वधू-वर व पालकांनी सदर मेळाव्याचा लाभ घेण्याचे आवाहन डी.के ठाकरे यांनी केले आहे. सदर मेळाव्यात आमदार अनिल कदम, माजी आ. राजाभाऊ वाजे, जिल्हा परिषद अध्यक्ष बाळासाहेब क्षिरसागर, चांदवड कृषी उत्पन्न बाजार समितीचे सभापती आत्माराम कुंभार्डे यांची विशेष उपस्थिती असणार आहे.
