मुंबई : राजीव सातव हे उभरतं नेतृत्व होतं. त्यांच्या जाण्याने मी संसदेतील चांगला मित्र गमावला, अशा शब्दात पंतप्रधान नरेंद्र मोदी यांनी राजीव सातव यांना श्रद्धांजली वाहिली. काँग्रेसचे राज्यसभेचे खासदार राजीव सातव यांचे आज कोरोना संसर्गनंतर उपचारादरम्यान निधन झाले. त्यांच्या निधनानंतर सर्वपक्षीय नेत्यांनी श्रद्धांजली वाहिली.
Anguished by the passing away of my friend from Parliament, Shri Rajeev Satav Ji. He was an upcoming leader with much potential. Condolences to his family, friends and supporters. Om Shanti.
— Narendra Modi (@narendramodi) May 16, 2021
राजीव सातव यांच्या जाण्यानं संसदेतील माझा मित्र गमावला. राजीव सातव हे उभरतं नेतृत्त्व होतं. त्यांच्या कुटुंबीय, मित्र, समर्थक यांच्यांप्रती संवदेना व्यक्त करतो, असे ट्वीट पंतप्रधान नरेंद्र मोदी यांनी केले आहे.
गांधी कुटुंबाचे दोन ‘आधार’ हिरावले
कोरोना संसर्गामुळे देशभरातील अनेक राजकीय नेत्यांना प्राण गमवावे लागले आहेत. काँग्रेस खासदार राजीव सातव यांचेही कोरोना संसर्गानंतर उपचारादरम्यान निधन झाले. कोरोनाने गांधी कुटुंबाचे दोन ‘आधारस्तंभ’ हिरावले असे म्हटल्यास चुकीचे ठरणार नाही. गेल्या वर्षी काँग्रेसचे ज्येष्ठ नेते अहमद पटेल यांचे निधन झाले होते, तर आज राजीव सातव यांची प्राणज्योत मालवली. सातव हे काँग्रेस नेते राहुल गांधी यांचे अत्यंत निष्ठावान आणि विश्वासू नेते होते, तर अहमद पटेल हे गांधी कुटुंबाचाच आधारस्तंभ होते.
