वाराणसीः उत्तर पर्देशातील वाराणसी येथे पंतप्रधान नरेंद्र मोदी यांच्याहस्ते आज काशी विश्वनाथ धामाचं लोकार्पण करण्यात आलं. त्यावेळी पंतप्रधान नरेंद्र मोदी यांनी विश्वनाथ धामाचं ऐतिहासिक आणि आध्यात्मिक महत्त्व वर्णन केलं. काशी विश्वनाथ धाम हे आपल्या भारतीय परंपरा, आध्यात्मिकता आणि सनातन संस्कृतीचं प्रतिक आहे, असं नरेंद्र मोदी म्हणाले. तसेच भारताची प्राचीनता आणि नवीनता या दोन्ही इथे एकत्रितपणे जिवंत होताना दिसतात. इथल्या जुन्या परंपरा भविष्याला दिशा देशात, असं वक्तव्य नरेंद्र मोदी यांनी केलं.
भारतीय सनातन संस्कृति के गौरव की प्रतीक शिवमयी, ध्यानमयी, ज्ञानमयी काशी ने जब भी करवट ली, भारत का भाग्य बदल दिया।#KashiVishwanathDham pic.twitter.com/J579Cw2GRO
— BJP (@BJP4India) December 13, 2021
काशी विश्वनाथ धामाचं वर्णन करताना पंतप्रधान नरेंद्र मोदी म्हणाले, आज काशी विश्वनाथ धाम अकल्पित ऊर्जेनं भारलं आहे. आज इथल्या वैभवात आणखी विस्तार होतोय. हा नवा परिसर म्हणजे आपली भारतीय संस्कृती, आध्यात्मिकता आणि भारतीय सनातन संस्कृतीचं प्रतिक आहे. भारतीय परंपरा, ऊर्जा, गतीशीलता इथं दिसून येते. इथे केवळ श्रद्धेचंच दर्शन घडतं असं नाही तर भारताच्या गौरवशाली इतिहासाची अनुभूती इथे मिळते. प्राचीनता आणि नावीन्यते इथे एकत्रितपणे जिवंत होतात. इथल्या पुरातन प्रेरणा भविष्याला दिशा देतात.
काशी का हर पत्थर शंकर है, इसलिए हम अपनी काशी को सजीव मानते हैं।
इसी भाव से हमें अपने देश के कण कण में मातृ भाव का बोध होता है।
काशी जीवत्व को सीधे शिवत्व से जोड़ती है।
– पीएम श्री @narendramodi #KashiVishwanathDham pic.twitter.com/kSJTf4chrX
— BJP (@BJP4India) December 13, 2021
यावेळी भाषणात पंतप्रधान नरेंद्र मोदी म्हणाले, काशी विश्वनाथ येथील गंगा आपला प्रवाह बदलत उत्तरवाहिनी होऊन महादेवाच्या दर्शनासाठी येते. ती गंगा आज खूप प्रस्नन असेल. आपण विश्वनाथाच्या चरणी नमन करतो तेव्हा गंगेला स्पर्श करत येणारी हवा आपल्याला आशीर्वाद देते. महादेवाच्या चरणी ध्यान लावताना गंगेवरच्या लहरी आपल्याला दैवी आनंद देतात. गंगेत खूप शक्ती आहे. आजचं हे कार्य म्हणजे गंगेचा आशीर्वाद आहे, असं वक्तव्य मोदी यांनी केलं.
लाइव: प्रधानमंत्री श्री @narendramodi द्वारा काशी के भव्य स्वरूप 'काशी विश्वनाथ धाम' का लोकार्पण। #KashiVishwanathDham
https://t.co/yF8LZ3TlLI— BJP (@BJP4India) December 13, 2021
वाराणसीतील महत्त्वाकांक्षी प्रकल्प
श्री काशी विश्वनाथ धाम हा पंतप्रधान नरेंद्र मोदी यांच्यासाठी महत्त्वाकांक्षी प्रकल्प आहे. त्याचं आज लोकार्पण झालं. आज सकाळपासून पंतप्रधान नरेंद्र मोदी यांच्या हस्ते या ऐतिहासिक लोकार्पणाला सुरुवात झाली. लोकार्पण सोहळ्याच्या पार्श्वभूमीवर वाराणसी शहरात मोठ्या प्रमाणावर साफसफाई करण्यात आली. गंगा घाट, कुंडाची साफ सफाई झाली. गंगेच्या दोन्ही किनाऱ्यांवर ११ लाख दिवे लावण्यात येणार आहेत. तसेच सरकारी कार्यालये, भनं, खासगी इमारतींवर विद्युत रोषणाई करण्यात आली आहे. मंदिरांनाही आकर्षकरित्या सजवण्यात येत आहे. या ठिकाणी भजन संध्येचं आयोजन करण्यात आलं आहे. आज नागरिकांनीही आपल्या घरांवर विद्युत रोषणाई करावी, दिवे लावावेत, असं आवाहन जिल्हा प्रशासनाकडून करण्यात आलं आहे.
पहले काशी विश्वनाथ मंदिर क्षेत्र केवल 3 हजार वर्ग फीट में था, वो अब करीब 5 लाख वर्ग फीट का हो गया है।
अब मंदिर और उसके परिसर में 50 से 75 हजार श्रद्धालु आ सकते हैं।
यानि पहले मां गंगा का दर्शन-स्नान, और वहां से सीधे विश्वनाथ धाम।
– पीएम @narendramodi#KashiVishwanathDham pic.twitter.com/u4ATvQAZgW
— BJP (@BJP4India) December 13, 2021
बोली भाषेत स्थानिकांशी संवाद
पंतप्रधान नरेंद्र मोदी आणि भाषा याचा अन्यन साधारण संबंध आहे. मोदी ज्या राज्यात तिथल्या बोली भाषेत स्थानिकांशी संवाद साधण्याचा प्रयत्न करतात. भाषा येत नसली तरी तिथल्या भाषेतील एक दोन वाक्य तरी ते हमखास बोलतात. भाषणाच्या सुरुवातीलाच स्थानिक बोलीतून संवाद साधत ते आधी श्रोत्यांच्या मनाची पकड घेतात आणि मग जोरदारा बॅटिंग करत आपलं म्हणणं त्यांच्यापर्यंत पोहोचवतात. काशी विश्वनाथ धामचं लोकार्पण करतानाही मोदींनी काशीच्या खास काशिका भाषेत जनतेशी संवाद साधला. मोदींच्या या संवादाला उपस्थितांनीही जोरदार टाळ्या वाजवून प्रतिसाद दिला. ही काशीत बोलली जाणारी भाषा आहे. त्यामुळेच या भाषेला काशिका हे नाव पडलं. ही एक आर्य भाषा आहे. तिला काशिका भाषा किंवा काशिका भोजपुरी असंही संबोधलं जातं. भोजपुरी आणि अवधी भाषेच्या मिश्रणातून काशिका भाषा तयार झाली आहे.
विश्वनाथ धाम का नया परिसर एक भव्य भवन भर नहीं है,
ये प्रतीक है- हमारे भारत की सनातन संस्कृति का, हमारी आध्यात्मिक आत्मा का, भारत की प्राचीनता और परम्पराओं का।
– पीएम श्री @narendramodi #KashiVishwanathDham pic.twitter.com/URwrWNRMXc
— BJP (@BJP4India) December 13, 2021
काशिका भाषा केवळ वाराणासीशीच मर्यादित असली तरी ही भाषा देशभरात 50 लाख लोक बोलतात. वाराणासीतील लोक देशात ज्या ज्या भागात राहतात तिथे ते बाहेर स्थानिक भाषेत संवाद साधतात. तर घरी आपल्याच काशिका या बोली भाषेतून संवाद साधत असतात. काशिका किंवा काशिका भोजपुरी भाषा ही केवळ बोलचालीतील भाषा आहे. लिखापढीसाठी हिंदी भाषेचा वापर केला जातो. या भाषेची स्वतंत्र अशी लिपी नाही. या भाषेत फारसं साहित्यही नाही. या भाषेचा स्वतंत्र असा शब्दकोश नाही. हिंदू, ऊर्दू आणि भोजपुरीतील शब्दांवर ही भाषा पोसली गेली आहे.
Behind the success of the Shri Kashi Vishwanath Dham project is the hardwork of countless individuals. During today’s programme I had the opportunity to honour them and have lunch with them. My Pranams to these proud children of Bharat Mata! pic.twitter.com/iclAG9bmAR
— Narendra Modi (@narendramodi) December 13, 2021
काशी विश्वनाथाच्या साक्षीने तीन संकल्प
काशीमध्ये फक्त एकच सरकार आहे. ज्यांच्या हातात डमरू आहे…असे म्हणत पंतप्रधान नरेंद्र मोदी यांनी भोलेनाथाच्या चरणी मस्तक टेकविले आणि यावेळी देशाच्या विकासासाठी जनता जनार्दनाला साकडे घालत तीन संकल्पाची मागणी केली.
विश्वनाथ धाम के लोकार्पण के साथ ही बाबा विश्वनाथ के चरणों में अर्चन-अभिषेक का सौभाग्य भी मिला।
पूजन के समय एक ही भाव मन में उठ रहा था- यद्यत्कर्म करोमि तत्तदखिलं शम्भो तवाराधनम्।राष्ट्रसेवा में मैं जो भी कर्म कर रहा हूं, वो सब महादेव आपकी ही आराधना है, आपका ही आशीर्वाद है। pic.twitter.com/8iNzbQLsuw
— Narendra Modi (@narendramodi) December 13, 2021
ज्या कामगारांनी आपला घाम गाळून काशीमध्ये हा भव्य परिसर तयार केला, त्यांचे आभार यावेळी पंतप्रधान मोदी यांनी मानले. कोरोनाच्या बिकट काळातही त्यांनी काम थांबवले नाही. मला या श्रमिकांना भेटण्याचे, त्यांचा आशीर्वाद घेण्याचे भाग्य लाभले. काशी तो काशी है! काशी तो अविनाशी है. काशी में एक ही सरकार है, जिनके हाथों में डमरू है, उनकी सरकार है, असे म्हणत पंतप्रधान एकदम तल्लीन झाले.
The great Adi Shankaracharya has made monumental contributions towards preserving our culture and civilisational ethos.
Paid homage to him at Kashi. pic.twitter.com/92yHhCRjKO
— Narendra Modi (@narendramodi) December 13, 2021
जिथे गंगा आपली धारा बदलून वाहते. त्या काशीला कोण रोखू शकते, असा सवालही त्यांनी यावेळी केला. पंतप्रधान मोदी म्हणाले, काशी ही चार जैन तीर्थंकरांची भूमी आहे. अहिंसा आणि तपस्याचे प्रतीक आहे. राजा हरिश्चंद्राच्या सचोटीपासून वल्लभाचार्य, रामानंद जी यांच्या ज्ञानापर्यंत तर चैतन्य महाप्रभू, समर्थ गुरु रामदास ते स्वामी विवेकानंद, मदन मोहन मालवीय अशा कित्येकांचा या भूमीशी संबंध आहे. किती ऋषी आणि आचार्यांचा संबंध आहे, असे उद्गार त्यांनी यावेळी काढले.
काशी विश्वनाथ धाम में स्थापित भारत माता की प्रतिमा के सम्मुख श्रद्धा सुमन अर्पित किए।
विश्वनाथ धाम में माँ भारती का ये स्वरूप आस्था के साथ राष्ट्र के प्रति हमारे कर्तव्यों का भी बोध कराएगा। pic.twitter.com/cKHSao7LU3
— Narendra Modi (@narendramodi) December 13, 2021
पंतप्रधान मोदींनी जनतेला भगवान संबोधत त्यांच्याकडून तीन गोष्टी मागितल्या. ते म्हणाले, गुलामीच्या मोठ्या कालखंडाने भारतीयांचा आत्मविश्वास चक्काचूर केला. त्यामुळे आपण आपल्याच सृजनावरील विश्वास गमावून बसलो. आज हजारो वर्ष जुन्या या काशीतून मी देशवासीयांना आवाहन करतो की, त्यांनी पूर्ण आत्मविश्वासाने सृजनाची कास धरावी. नवनिर्मिती करा. इनोवेटीव पद्धतीने काही करा. माझ्यासाठी जनता जनार्दन ईश्वराचे रूप असल्याचे ते म्हणाले.
काशी पहुँचकर अभिभूत हूँ।
कुछ देर बाद ही हम सभी काशी विश्वनाथ धाम परियोजना के लोकार्पण के साक्षी बनेंगे।
इस से पहले मैंने काशी के कोतवाल काल भैरव जी के दर्शन किए। pic.twitter.com/iEYUPhzPC6
— Narendra Modi (@narendramodi) December 13, 2021
पंतप्रधान मोदी म्हणाले, प्रत्येक भारतीयांमध्ये परमेश्वराचा अंश आहे. त्यामुळे मी तुम्हाला काही मागू इच्छितो. हे माझ्यासाठी नाही, तर आपल्या देशासाठी तीन संकल्प करा. स्वच्छता, सृजन आणि आत्मनिर्भर भारतासाठी सततचे प्रयत्न करा, असे आवाहन त्यांनी यावेळी केले. मोदी पुढे म्हणाले की, तिसऱ्या संकल्पाची आत्ताच सुरुवात करावी लागेल. हा स्वातंत्र्याचा अमृतमहोत्सव आहे. आपल्या स्वातंत्र्याला 75 वर्षे पूर्ण झाली. जेव्हा भारताच्या स्वातंत्र्याला 100 वर्षे पूर्ण होतील. तेव्हा मोठा सोहळा होईल. त्यावेळी भारत कसा असेल, त्यासाठी आत्तापासून काम करावे लागेल, असे आवाहन त्यांनी केले.
