मुंबई : राज्याचे अल्पसंख्याक मंत्री आणि राष्ट्रवादी काँग्रेसचे प्रवक्ते नवाब मलिक यांची मुलगी निलोफर मलिक यांनीही मैदानात उडी घेत एनसीबीचे विभागीय संचालक समीर वानखेडे यांच्यावर निशाणा साधत त्यांच्या पहिल्या लग्नाची पत्रिका ट्विटरवर शेअर केली आहे. यात समीर वानखेडे यांच्या वडिलांचे नाव दाऊद वानखेडे असे लिहिलेले आहे.
Iska Aadha sach public mein tha.. poora de rahi hoon.. https://t.co/AZW1jowJlg pic.twitter.com/u5O30zv4pP
— Ar. Sana Malik-Shaikh (@sanamalikshaikh) November 20, 2021
समीर वानखेडे यांचा ७ डिसेंबर २००६ रोजी अंधेरी येथील लोखंडवाला कॉम्प्लेक्स येथे शबाना कुरेशी यांच्याशी निकाह झाला आहे. समीर हे दाऊद आणि जहिदा वानखेडे यांचे सुपुत्र असल्याचा उल्लेख या निकाहनाम्याच्या आमंत्रण पत्रिकेमध्ये करण्यात आला आहे, तर दुसरीकडे नवाब मलिक यांची दुसरी मुलगी सना मलिक शेख यांनीही विवाह दाखला शेअर केला. ज्यामध्ये यास्मीन अझीज खान, निखिल छेडा आणि ग्लेन पटेल हे साक्षीदार असल्याचे दिसत आहे.
पत्रिकेबाबत माहिती नाही : समीर वानखेडे
ही आमंत्रण पत्रिका आपली नसून पहिल्या पत्नीच्या कुटुंबीयांची आहे. त्यामुळे त्यांनी काय छापले, काय नाही हे आपल्याला माहिती नसल्याचा दावा समीर वानखेडे यांनी केला आहे.
क्रांती रेडकरने केलं ब्लॉक
And when u cant face the #Truth
So called informer/Preeti/ Kranti/Mrs. Wankhede.
Kitna sach zhutlaoge.. pic.twitter.com/WphC8Yf0So— Ar. Sana Malik-Shaikh (@sanamalikshaikh) November 20, 2021
समीर वानखेडे यांच्या पत्नी क्रांती रेडकर हिने नवाब मलिक यांची मुलगी सना मलिक शेख यांना ट्विटरवर ब्लॉक केलं आहे, असा दावा सना मलिक शेख यांनीच केला आहे. त्यांनी त्याबबतचा स्क्रीनशॉट शेअर करत जेव्हा तुम्ही सत्याला समोरे जाऊ शकत नाही…, असं म्हटलं आहे.
