नवी दिल्ली : कोरोनानं संपूर्ण देशभरात हाहाकार घातला आहे. या काळात कोरोनामुळे अनेक प्रसिद्ध व्यक्तींनीही जगाचा निरोप घेतला आहे. लोकप्रिय निवेदिक रोहित सरदाना यांच्या निधनानंतर आता मीडिया क्षेत्रातून आणखी एक धक्कादायक बातमी समोर आली आहे. दूरदर्शनच्या प्रसिद्ध निवेदिका कनुप्रिया यांचंही कोरोनानं निधन झालं आहे. उपचारादरम्यान त्यांचं निधन झालं आहे.
कनुप्रिया या प्रसिद्ध निवेदिका असण्यासोबत उत्तम अभिनेत्रीही होत्या. दोन दिवसांपूर्वीच त्यांनी सोशल मीडियावर पोस्ट शेअर करुन आपण रुग्णालयात उपचार घेत असल्याचं सांगितलं होतं. सोबतच मला तुमच्या सर्वांच्या प्रार्थनांची गरज असल्याचंही त्यांनी म्हटलं होतं. मात्र, त्यांची ऑक्सिजन लेवल बरीच कमी झाली होती. तसंच तापही वाढत होता. याच दरम्यान कनुप्रिया यांचं निधन झालं.
