टी-२० विश्वचषक : न्यूझीलंड प्रथमच अंतिम फेरीत, निशमने १० चेंडूत सामना फिरवला

दुबई : न्यूझीलंडनं २०१९ च्या वन डे वर्ल्ड कप स्पर्धेच्या फायनलमधील पराभवाचा वचपा काढला. टी-२० विश्वचषकातील उपांत्य फेरीच्या या सामन्यात नाट्यमय घडामोडी घडल्या. किवींचे दोन प्रमुख फलंदाज अवघ्या १३ धावांवर माघारी परतले, त्यानंतर १६व्या षटकांपर्यंत इंग्लंडनं सामन्यावर मजबूत पकड घेतली होती. पण, जिमी निशमनं १७व्या षटकात ख्रिस जॉर्डनला २६ धावा चोपल्या आणि दडपड कमी केलं. १८व्या षटकात विजयासाठी २० धावा हव्या असताना निशम झेलबाद झाला अन् इंग्लंडचे चाहते खूश झाले. पण, अर्धशतकी खेळी करणाऱ्या डॅरील मिचेलनं सामना संपवला.

A #T20WorldCup night to remember in Abu Dhabi for Daryl Mitchell! pic.twitter.com/ye8wZFOR2p

— T20 World Cup (@T20WorldCup) November 10, 2021

केन विलियम्सननं प्रथम क्षेत्ररक्षणाचा निर्णय घेतला. जेसन रॉयच्या जागी इंग्लंडनं आज सॅम बिलिंगला संधी दिली, परंतु सलामीला जॉनी बेअरस्टो व जॉस बटलर ही जोडी आली. किवी कर्णधार विलियम्सनच्या अफलातून कॅचनं ही जोडी तोडली. सहाव्या षटकाच्या पहिल्याच चेंडूवर अ‍ॅडम मिल्नेनं किवींना पहिले यश मिळवून दिले, विलियम्सननं मिड ऑफला बेअरस्टोचा ( १३) भन्नाट कॅच घेतला. मिल्नेनं धक्का दिल्यानंतर इश सोढीनं इंग्लंडचा दुसरा सलामीवीर जॉस बटलरला पायचीत केलं. डेविड मलाननं ३० चेंडूंत ४१ धावा कुटल्या. मोईन अलीनं फटकेबाजीला करतानाला मलानसह तिसऱ्या विकेटसाठी ६३ धावा जोडल्या. अली व लिएम लिव्हिंगस्टोननं धावांचा वेग वाढवताना चौथ्या विकेटसाठी २३ चेंडूंत ४० धावा कुटल्या. अलीनं ३६ चेंडूंत अर्धशतक पूर्ण केलं. अली ३७ चेंडूंत ३ चौकार व २ षटकारांसह ५१ धावांवर नाबाद राहिला. इंग्लंडनं ४ बाद १६६ धावा केल्या.

https://twitter.com/T20WorldCup/status/1458505576053305351

प्रत्युत्तरात न्यूझीलंडचा मार्टीन गुप्तील ( ४) व कर्णधार केन ( ५) यांना अवघ्या १३व्या धावांवर ख्रिस वोक्सनं माघारी पाठवले. त्यामुळे किवीचा संघ बॅकफूटवर फेकला गेला. ख्रिस जॉर्डन व आदील राशीद यांनी पहिल्या १० षटकांत चांगली गोलंदाजी केली. डॅरील मिचेल व डेव्हॉन कॉनवे यांनी संयमी सुरुवातीनंतर किवींचा डाव सावरण्याचा प्रयत्न केला. पण, त्यांचा धावांचा वेग अपेक्षित वेगाप्रमाणे कमी होता. त्यामुळे किवींवर दडपण वाढत होते. १४व्या षटकात लिएम लिव्हिंगस्टननं स्वतःच्याच गोलंदाजीवर कॉनवेचा झेल सोडला, परंतु पुढच्या चेंडूवर त्याला यष्टीचीत करण्यात यश मिळवले. कॉनवे ३८ चेंडूंत ५ चौकार व १ षटकारासह ४६ धावांवर माघारी परतला. किवींना ३८ चेंडूंत ७२ धावा बनवायच्या होत्या. मिचेल व कॉनवे यांनी तिसऱ्या विकेसाठी ८२ धावा जोडल्या.

https://twitter.com/T20WorldCup/status/1458485771208323078

लिव्हिंगस्टननं आज कमाल केली. सामन्यातील त्याच्या अखेरच्या षटकाच्या पहिल्याच चेंडूवर त्यानं ग्लेन फिलिप्सला ( २) माघारी जाण्यास भाग पाडले. चेंडू व धावा यांच्यातलं वाढलेलं अंतर कमी करण्याच्या प्रयत्नात फिलिप्सनं चेंडू टोलवला, पण तो सॅम बिलिंगनं टीपला. लिव्हिंगस्टननं टाकलेलं १६वं षटक सामन्याला कलाटणी देणारे ठरले. त्यानं चार षटकांत २२ धावांत २ विकेट्स घेतल्या. किवींना २४ चेंडूंत ५७ धावा करायच्या होत्या आणि आता त्यांना चमत्कारच वाचवू शकत होता. तो जिमी निशमकडून अपेक्षित होता आणि ख्रिस जॉर्डननं टाकलेल्या १७व्या षटकात त्यानं फटकेबाजी केली. चौथ्या चेंडूवर निशॅमनं टोलावलेला चेंडू सीमारेषेवर जॉनी बेअरस्टोनं टिपला अन् तोल जाण्यापूर्वी तो सहकारी खेळाडूकडे फेकला. पण, चेंडू हातातून सोडण्याआधी त्याचा पाय सीमारेषेला टेकला व किवींना ६ धावा मिळाल्या. निशमनं त्या षटकात २६ धावा जोडल्या आणि स्पर्धेतील इंग्लंडकडून पडलेलं हे सर्वात महागडं षटक ठरलं.

निशमनं पुढील षटकातही फटकेबाजी कायम राखली. आदिल राशिदच्या १८व्या षटकात दोन षटकार पडले, परंतु निशम बाद झाला. त्यानं १० चेंडूंत १ चौकार व ३ षटकारांसह २६ धावा चोपून त्याची कामगिरी चोख बजावली. आता किवींना १२ चेंडूंत २० धावा करायच्या होत्या. मिचेलनं अर्धशतक पूर्ण केलं. मिचेलनं १९व्या षटकात वोक्सला खेचलेला षटकात नयनरम्य होता. पुढील चेंडूवरही खणखणीत षटकार पडला. न्यूझीलंडनं ५ विकेट व १ षटक राखून सामना जिंकून अंतिम फेरीत प्रवेश केला. मिचेल ४८ चेंडूंत ४ चौकार व ४ षटकारासह नाबाद ७३ धावा केल्या. न्यूझीलंड प्रथमच ट्वेंटी-२० वर्ल्ड कप स्पर्धेच्या फायनलमध्ये खेळणार आहेत.

न्यूझीलंडच्या ग्लेन फिलिप्सचे खेळाप्रती समर्पण

या सामन्यात न्यूझीलंडच्या खेळाडूंनी क्षेत्ररक्षणातही स्वत:ला १०० टक्के झोकून दिल्याचं पाहायला मिळालं. कर्णधार विलियमसननं बेयरस्टोचा जबरदस्त झेल घेतला, तर दुसरीकडे ग्लेन फिलिप्सनं मैदानावर चौकार रोखण्यासाठी स्वत:ला झोकून दिलं. आयसीसीनं आपल्या इन्स्टाग्राम अकाऊंटवरून याचा एक व्हिडीओ शेअर केला आहे. इंग्लंडच्या फलंदाजीदरम्यान १० व्या ओव्हरच्या अखेरच्या चेंडूवरील फिलिप्सच्या क्षेत्ररक्षणाचा नजारा पाहून तुमच्या पायाखालची जमीनच सरकेल. डेव्हिड मलाननं जेम्स निशमच्या चेंडूवर कव्हरच्या दिशेनं जबरदस्त शॉट मारला, जो बाऊंड्रीच्या दिशेने जात होता. त्यावेळी फिलिप्सनं तो रोखण्यासाठी वेगानं त्या दिशेने धाव घेतली. त्या चौकार वाचवता आला नाही. परंतु चौकार वाचवण्यासाठी त्यानं जो प्रयत्न केला त्यामुळे तो बाऊंड्री लाईनच्या बाहेर गेला आणि कॅमेरामनच्या जवळ पडला. भलेही त्याला यात दुखापत झाली नाही, परंतु मोठी दुखापत होण्याची शक्यता नाकारता येत नव्हती. नेटकऱ्यांनीही फिलिप्सच्या या क्षेत्ररक्षणाचं कौतुक केलं आहे.