वर्धा : वीस वर्षांपूर्वी राजकारणाचं गन्हेगारीकरण हा विषय चर्चेला आला होता. पण, आता गुन्हेगारांचं राजकारण हा नवीन चर्चेचा विषय आहे. यासंदर्भात कायदे करण्याची गरज आहे. खंडणी मागण्याची, आमच्या माणसाला काम द्या, युट्युबवर अनेक ऑडीओ क्लिप आहेत, असं भाजप नेते सुधीर मुनगंटीवार म्हणाले आहेत. पोलीस विभागाने सुमोटो कारवाई केली पाहिजे. राज्यात खंडणी मागणारे सुरक्षित आहेत, पण त्रास होणाऱ्यांत मात्र असुरक्षिततेची भावना आहे, असं मुनगंटीवार म्हणाले. असुरक्षिततेची भावना असेल तर सर्वांनी याचा एकत्र येऊन विचार केला पाहिजे. मी कोणत्याही राजकीय पक्षावर आरोप करणार नाही, पण खंडणी मागणारे या पक्षाचे त्या नेत्यांचे मागे जाऊन त्यांचे नारे लावत स्वतःला सुरक्षित करण्याचा प्रयत्न करतात. खंडणी मागणाऱ्यांना फोडून काढण्यासाठी कायदा केला पाहिजे. त्यांना मोक्का लावून आत टाकावं, असं मुनंगटीवार केंद्रीय मंत्री नितीन गडकरींच्या पत्रावर म्हणाले.
मिलिंद नार्वेकर स्वतःला वाघ म्हणतात. त्यांना धमकी त्यामुळं कायदा व सुव्यवस्थेचा विचार करावा लागणार आहे. गुंडांची इतकी हिम्मत की ते वाघाच्या गुहेत जाऊन नार्वेकरांना व्हाट्सअप करताहेत. त्यामुळं वाटत की कायदा व सुव्यवस्थेची भीतीच राहिली नाही, असा टोला मुनगंटीवार यांनी लगावला आहे.
शिवसेना आमदार माजी मंत्री संजय राठोड यांच्यावरील तक्रार खरी की खोटी आहे याची चौकशी व्हावी. वेगाने चौकशी व्हावी काय खरं काय खोटं ते पुढं आलं पाहिजे. काय खर काय खोटं याबाबत व्हाइट पेपर काढला पाहिजे. लोकांच्या मनात शंका ठेऊ नये. एसआयटी चौकशी होईल याबाबत पूर्वीच मत व्यक्त करणे योग्य नाही, असंही सुधीर मुनगंटीवार म्हणाले आहेत.
शरद पवारांचा आवाज काढून बदली करण्यास सांगितलं, याचा अर्थ काय? अस सांगणाऱ्याला बेड्या ठोकल्या पाहिजे. कोणाचा ओरिजनल आवाज असला तरी बदली करायची नाही, असा जी आर सरकारने काढला पाहिजे. मिलिंद नार्वेकर स्वतःला वाघ म्हणतात. त्यांना धमकी त्यामुळं कायदा व सुव्यवस्थेचा विचार करावा लागणार आहे. गुंडांची इतकी हिम्मत की ते वाघाच्या गुहेत जाऊन नार्वेकरांना व्हाट्सअप करताहेत. त्यामुळं वाटत की कायदा व सुव्यवस्थेची भीतीच राहिली नाही. नार्वेकरांना धमकी देणं हे तर मलाही आश्चर्य वाटत. नार्वेकरांना धमकी देणाऱ्याच चरित्र मलाही जाणून घ्यायचंय. थेट वाघाच्या गुहेत जाऊन धमकी दिली, हा कोण आहे बाबा?, असं मुनगंटीवार म्हणाले आहेत.
