भारताचा आज इंग्लंडविरुद्ध पहिला एकदिवसीय सामना

पुणे : भारत विरुद्ध इंग्लंड यांच्यात मंगळवार दि. 23 मार्चपासून 3 एकदिवसीय (India vs England ODI Series 2021) सामन्यांच्या मालिकेला सुरुवात होत आहे. हे तिनही सामने पुण्यातील महाराष्ट्र क्रिकेट असोसिएशनच्या (Maharashtra Cricket Association) गहुंजे स्टेडियममध्ये खेळवण्यात येणार आहेत. दरम्यान भारताने याआधीच्या कसोटी आणि टी 20 सीरिजमध्ये इंग्लंडला पराभूत केलं आहे. त्यामुळे भारताचा विश्वास दुणावलेला आहे. या एकदिवसीय मालिकेसाठी भारतीय संघात युवा खेळाडूंनाही संधी देण्यात आली आहे. यामुळे विराटसेना या एकदिवसीय मालिकेसाठी सज्ज आहे.

उभय संघात आतापर्यंत एकूण 100 एकदिवसीय सामने खेळवण्यात आले आहेत. यामध्ये टीम इंडिया इंग्लंडवर वरचढ आहे. भारताने इंग्लंडचा 53 सामन्यात धुव्वा उडवला आहे. तर इंग्लंडने टीम इंडियावर 42 मॅचमध्ये विजय मिळवला आहे. 2 सामने बरोबरीत सुटले आहेत. तर 3 सामन्यांचा निकाल लागला नाही. इंग्‍लंडने टीम इंडिया विरुद्धात भारताता 48 वनडे मॅच खेळल्या आहेत. यापैकी 16 सामन्यांमध्ये इंग्लंडला विजय मिळवता आला आहे. तर 31 सामन्यांमध्ये भारताने इंग्लंडला पराभूत केलं आहे. तर एक मॅच टाय झाली होती. वरील आकडेवारीवरुन टीम इंडिया इंग्लंडवर वरचढ दिसत आहे. त्यामुळे आता या एकदिवसीय मालिकेत टीम इंडिया ही कामगिरी कायम राखणार की इंग्लंड हा इतिहास बदलणार याकडे सर्वांचेच लक्ष असणार आहे.

पुण्यातील कामगिरी
उभय संघात पुण्यातील गहुंजे स्टेडियममध्ये 1 वनडे सामना खेळवण्यात आला होता. हा सामना 15 जानेवारी 2017 मध्ये खेळला गेला होता. या सामन्यात भारताला विजयासाठी 351 धावांचे तगडे आव्हान दिले होते. मात्र तरीही इंग्लंडला या धावसंख्येचा बचाव करता आला नाही. भारताने हा सामना 11 चेंडूआधी 7 विकेट्स गमावून जिंकला होता.

एकदिवसीय मालिकेचे वेळापत्रक
23 मार्च | पहिली मॅच, गहुंजे स्टेडियम, पुणे | दुपारी 1 वाजून 30 मिनिटं

26 मार्च | दूसरी मॅच, गहुंजे स्टेडियम, पुणे | दुपारी 1 वाजून 30 मिनिटं

28 मार्च | तिसरी मॅच, गहुंजे स्टेडियम, पुणे | दुपारी 1 वाजून 30 मिनिटं

इंग्लंडचा 14 सदस्यीय संघ
इयॉन मॉर्गन (कर्णधार), जेसन रॉय, मोईन अली, जॉनी बेयरस्टो, सॅम बिलिंग्स, जॉस बटलर, सॅम करन, टॉम करन, लियम लिविंगस्टोन, मॅट पर्किंसन, आदिल रशीद, बेन स्टोक्स, रीस टॉपले, मार्क वुड, ख्रिस जॉर्डन, जॅक बॉल आणि डेव्हिड मलान.

एकदिवसीय मालिकेसाठी भारताचा संघ
विराट कोहली (कर्णधार), रोहित शर्मा, शिखर धवन, शुभमन गिल, श्रेयस अय्यर, सूर्यकुमार यादव, हार्दिक पांड्या, रिषभ पंत, केएल राहुल, युझवेंद्र चहल, कुलदीप यादव, कृणाल पंड्या, वॉशिंग्टन सुंदर, टी नटराजन, भुवनेश्वर कुमार, मोहम्मद सिराज, प्रसिद्ध कृष्णा आणि शार्दुल ठाकूर.