मुंबई : कोरोनाचा अद्याप धोका टळला असतानाच आता डेल्टा व्हायरसमुळे राज्यात आजपासून पुन्हा कडक निर्बंध लागू करण्यात आले आहेत. त्याच पार्श्वभूमीवर कोविड सेंटरच्या उद्घाटनप्रसंगी बोलताना मुख्यमंत्री उद्धव ठाकरेंनी नागरिकांना गर्दी न करण्याचं आवाहन केलं आहे. तसेच, आपण गर्दी टाळली नाही, तर दुसरीच लाट उलटू शकते, असा गंभीर इशाराही मुख्यमंत्र्यांनी दिला आहे.
Handing over of the dedicated COVID-19 hospital in Malad- LIVE https://t.co/mkunImO3gK
— CMO Maharashtra (@CMOMaharashtra) June 28, 2021
कोविड सेंटरच्या उद्घाटन समारंभात राज्यातील कोविडची परिस्थिती कथन केली. कोरोनाच्या दुसऱ्या लाटेचा सामना आपण केलात, त्याबद्दल सर्वांचे धन्यवाद असे म्हणत आता आणखी खबरदारी घेण्याचे मुख्यमंत्र्यांनी सूचवले. औषधाची कमतरता, ऑक्सिजनची कमतरता अशी तारेवरची कसरत करत दुसरी लाट ओसरली आहे. मात्र, अद्यापही दुसरी लाट संपली नाही, ओसरली असली तरी ती एका जागी स्थिरावली आहे. ज्याप्रमाणे गर्दी होतेय, हे पाहता तिसरी लाट कधी येईल हे माहिती नाही. पण, धोका दुसरी लाट उलटेल का याचाच आहे, कारण जो विषाणू आहे दुसऱ्या लाटेचा त्याला डेल्टा म्हणतात. तर, आत जो नवीन विषाणू सापडत आहे, त्यास डेल्टा प्लस म्हणतात. डेल्टा प्लस अजून पसरलेला नाही, पण डेल्टाच राज्यात व देशात आपल्यावर हावी आहे, असे मुख्यमंत्र्यांनी सांगितले.
मालाड येथे आधुनिक तंत्रज्ञानाने उभारलेल्या जम्बो कोविड सेंटरचे मुख्यमंत्री उद्धव बाळासाहेब ठाकरे यांच्या हस्ते आज लोकार्पण करण्यात आले.
यावेळीचे काही महत्त्वाचे मुद्दे: pic.twitter.com/Pd6CobLcZZ
— CMO Maharashtra (@CMOMaharashtra) June 28, 2021
जर गर्दी टाळली नाही तर दुसरी लाटच उलटू शकते, ओसरु नाही शकत तर उलटू शकते. त्यामुळेच, आजपासून आपण जे केलंय त्याचं महत्त्व नागरिकांच्या लक्षात येईल. दरम्यान, नागरिकांच्या काळजीपोटीच सरकार काम करत आहे, निर्णय घेत आहे. आज ज्या कोविड सेंटरचं उद्घाटन केलंय, ते असंच पडून राहावं. येथे दाखल होण्याची वेळ कुणावरही येऊ नये, राज्यातील नागरिक निरोगी आणि दिर्घायुष्यी राहो, अशा भावनिक शब्दात मुख्यमंत्र्यांनी आपल्या भाषणाचा शेवट केला.
त्यापैकी या पहिल्या मालाड जम्बो कोविड सेंटरमध्ये २१७० बेडस् आहेत
दुसऱ्या टप्प्यामध्ये कांजूरमार्ग, सायन, वरळी रेसकोर्स हे नवीन जम्बो सेंटर सुरू करणार
पहिला आणि दुसरा असे दोन्ही टप्पे मिळून जम्बो कोविड सेंटर्समधील एकूण बेड संख्या आता १५,६२७ इतकी आहे
— CMO Maharashtra (@CMOMaharashtra) June 28, 2021
