दिल्लीत दारू पिण्याचे अधिकृत वय २५ वरून २१ वर!

नवी दिल्लीः दिल्लीचे उपमुख्यमंत्री मनीष सिसोदिया यांनी सोमवारी नवीन उत्पादन शुल्क धोरण जाहीर केले. या धोरणानुसार दिल्लीमध्ये दारू पिण्याचे कायदेशीर वय (Delhi Drinking Age) 25 वर्षांवरून 21 वर्ष करण्यात आले. यासह दिल्ली सरकारने आणखी एक मोठा निर्णय घेतला. आता सरकार राजधानीत दारूची कंत्राटं चालवणार नाही. दिल्ली सरकार कोणत्याही नवीन दारूच्या दुकानांना मान्यता देणार नाही.

केजरीवाल सरकारने दिल्लीच्या अबकारी धोरणात आणखी बरेच महत्त्वपूर्ण बदल केले. अल्पवयीन मद्यपानाविरुद्ध मोहीम राबवित असताना सरकारने दारू पिण्याचे कायदेशीर वय 21 वर्षे (Delhi Drinking Age) पर्यंत कमी केले. उत्तर प्रदेश आणि मध्य प्रदेशप्रमाणेच आता दिल्लीत दारू पिण्याचे कायदेशीर वय 21 वर्षे होईल. 21 वर्षाखालील तरुण दारू खरेदी करू शकणार नाहीत, त्यांचे काटेकोरपणे पालन केले जाईल. यासाठी आयकार्ड तपासणी आवश्यक असेल.

मनीष सिसोदिया यांनी सांगितले की, अज्ञात दारूची दुकाने दिल्लीत बंद ठेवली जाणार आहेत. त्याचबरोबर दारूच्या दुकानांसाठी नवीन नियम जाहीर केले जातील. दारूची तस्करी रोखण्याची योजना आहे. उत्पादन शुल्कात 20% वाढ होईल म्हणजे 1 ते 1000 कोटी रुपयांपर्यंत वाढवण्यात येणार आहे. याद्वारे बनावट दारू रोखण्यासाठी दिल्लीत प्रथम आंतरराष्ट्रीय दर्जाची तपासणी प्रयोगशाळा तयार करण्यात येणार आहे, याचीही घोषणा केली गेली आहे.