कोरोनाचा उद्रेक रोखण्यासाठी चाचण्या वाढवा : मोदी

नवी दिल्ली : महाराष्ट्रासह (Maharashtra) काही राज्यात कोरोनाचा (corona virus) पुन्हा उद्रेक होताना दिसत आहे. केरळ, पंजाब, कर्नाटक आणि गुजरात या राज्यांची रुग्णसंख्याही वाढत आहे. या पार्श्वभूमीवर पंतप्रधान नरेंद्र मोदी यांनी (PM Narendra Modi) आज व्हीडिओ कॉन्फरन्सिंगद्वारे देशातील सर्व राज्यांच्या मुख्यमंत्र्यांशी चर्चा केली. या चर्चेत कोरोनावरील उपयायोजना, लसीकरण आणि त्यात येणा-या अडचणींसंदर्भात चर्चा झाली.

यावेळी पंतप्रधान नरेंद्र मोदी यांनी कोरोनाची लाट थांबवणं आवश्यक आहे, असं सांगितलं. यावेळी त्यांनी राज्यांमध्ये चाचणी वाढवावी लागेल आणि योग्य त्या उपाययोजना कराव्या. अन्यथा कोरोनामुळे पुन्हा चिंता वाढू शकते. छोट्या शहरांमध्ये चाचणी वाढविण्यावर भर द्यावा, असं देखील मोदी म्हणाले.
यावेळी त्यांनी राज्यांमध्ये चाचणी वाढवावी लागेल आणि योग्य त्या उपाययोजना कराव्या. अन्यथा कोरोनामुळे पुन्हा चिंता वाढू शकते. छोट्या शहरांमध्ये चाचणी वाढविण्यावर भर द्यावा, असं देखील मोदी म्हणाले.

जगात कोरोना बाधित असे बरेच देश आहेत जिथे कोरोनाच्या अनेक लाटा आल्या आहेत. आपल्या देशातही काही राज्यात अचानक घटना वाढू लागल्या आहेत. महाराष्ट्र आणि मध्य प्रदेशसारख्या देशांमध्ये पॉझिटिव्हीटी रेटमध्ये लक्षणीय वाढ झाली आहे. कोरोनाची ही लाट आताच थांबविली नाही तर देशभर याचे परिणाम दिसतील, असं पंतप्रधान मोदी यांनी म्हटलं.

नागरिकांमध्ये भीती पसरु नये याची काळजी घ्यावी लागेल. चाचणी ट्रॅक आणि उपचारांना पुन्हा गंभीरपणे घ्यावे लागेल. चाचण्या वाढवाव्या लागतील, आरटी-पीसीआर चाचण्यांची संख्या ७० टक्क्यांच्या वर आणावी लागेल. केरळ-यूपी-छत्तीसगडमध्ये वेगवान चाचणी घेण्यात येत आहे, ही चिंताजनक बाब आहे, असं मोदी म्हणाले. लसीकरणाची गती असावी. तेलंगणा-आंध्र प्रदेश-यूपीमध्ये लसीच्या कचर्‍याचे प्रमाण दहा टक्क्यांपर्यंत पोहोचले आहे. ते मुळीच घडू नये. आम्ही रोज देशात ३० लाख लस वापरत आहोत, त्यामुळे लसीचा कचरा थांबवावा लागेल, असं मोदी म्हणाले.